ဖန်တီးရှင်များ
ဖန်တီးရှင်များ (စ - ဆုံး)
®•••••••••®
(၁)
"မေမေ ----- သားတို့ လက်ထပ်မယ့်ရက် ရွေးပြီးပြီ။ ခက်ခက်မိဘတွေကတော့ အဲ့ဒီရက်ကို သဘောကျကြတယ်။ မေမေရော ကြည့်ပါအုံး"
ကျွန်မရဲ့တစ်ဦးတည်းသော သားလေး။ လက်ထပ်တော့မယ်တဲ့။ ကျွန်မရှေ့မှာ ပြက္ခဒိန်လေးချပြီး နံပါတ်တစ်ခုကို ညွှန်ပြနေပါတယ်။ ဒီနေ့ကို သူတို့ ဘာလို့ရွေးရကြောင်း မင်္ဂလာပွဲကို ဘယ်လိုလုပ်ချင်ကြောင်း ရှင်းပြနေပါတယ်။
ကျွန်မသားလေး။ ကျွန်မကို ခွဲသွားတော့မည်။ ကျွန်မထက် ပိုချစ်ရမယ့်သူ တွေ့သွားပြီလေ။ သားချစ်သူကောင်မလေးက လိမ္မာပါတယ်။ လူကြီးသူမကိုလည်း ရိုသေတယ်။ ပညာတတ်။ တစ်ဦးတည်းသော သမီး။ သူတို့နှစ်ယောက် ချစ်သူမဖြစ်ခင်ကတည်းက သားက ကျွန်မကို တိုင်ပင်ရှာတယ်။ သားအဖေဆုံးပြီးကတည်းက အမေတစ်ခု သားတစ်ခုဘဝ။ သားလေးအလုပ်ရပြီး တစ်နှစ်လောက်အကြာမှာ ဒီမိန်းကလေးနဲ့တွေ့ပြီး သား ဘဝတစ်ခု တည်ဆောက်ချင်ကြောင်း လှပတဲ့မိသားစုတစ်ခုနဲ့ အနာဂတ်တစ်ခု ဖန်တီးချင်ကြောင်း ကောင်မလေးတစ်ယောက်တွေ့ထားကြောင်း ရှင်းပြပါတယ်။ မေမေ့သဘောကရော တဲ့။ မေမေက သား သဘောအတိုင်းပါလို့။ ငါ့သားက ဦးနှောက်ရှိတဲ့ ကလေး။ စဉ်းစားဥာဏ်ရှိတာပဲ။ သားရွေးချယ်တာ မှန်ပါလိမ့်မယ်လို့ပြောလိုက်တော့ မျှော်လင့်ချက်တွေနဲ့ အရောင်လက်သွားတဲ့ သားလေးရဲ့မျက်နှာ။ ခုထိမှတ်မိနေဆဲပါ။
လိမ္မာလိုက်တဲ့ ကလေးတွေ။ ချစ်သူဖြစ်ပြီးကတည်းက "အနာဂတ်အိမ်လေး" ဆိုတဲ့ စုဗူးလေးထဲမှာ သူတို့လစာရဲ့ ၁၀ ပုံ ၂ ပုံ စီ စုကြတယ်တဲ့။ သူတို့အနာဂတ် သာယာဖို့တဲ့လေ။
အော် ------ တချိန်ကတော့ ကျွန်မတို့လည်း ---------------------------------------------------------------------------------------------------------------------
(၂)
"မိစု-----ဟေ့ ----- မိစု နေပါအုံးဟ ---
ရော့ -- စံပယ်ပန်း ယူသွားအုံး"
ဒီမနက် မိုးအေးအေးနဲ့ အိပ်ပျော်သွားတဲ့ ကျွန်မ။ အကြော်သွားယူဖို့နောက်ကျနေပါပြီ။ အရေးထဲ ဖိုးကျော်က လှမ်းခေါ်နေသေး။ အင်းးးးး သူလည်း ကျွန်မကို စံပယ်ပန်းပေးရတာ ပန်းဆက်သမားလေးဖိုးကျော် ဖြစ်မှန်းမသိ ဖြစ်နေပါပြီ ----
"အေး အေး ငါနောက်ကျနေတာဟ။ အိပ်ပျော်သွားလို့။
"မိုးကောင်းနေတာကိုဟ။ ငါတောင် ဒီမနက် ဘုန်းဘုန်းကြီးနှိုးမှ နိုးတာ။ ငါတော့ပွပြီ မိစုရေ ----- ညက လေတိုက်တော့ ခရေပန်းတွေရော စံပယ်ပန်းတွေရော အများကြီးရတယ်။ သီလို့တောင် မနိုင်ဘူးဟ"
"အေးးးးး ဖိုးကျော် ငါ အကြော်ယူဖို့ နောက်ကျနေပြီ။ သွားပြီဟေ့ ----"
"အေးပါဟာ ---- ဖြည်းဖြည်းသွားအုံး။ မိုးကမလင်းသေးဘူး ---- ချော်လဲအုံးမယ်"
အင်းးးးး မိစု မိစု ----- ငယ်ငယ်ကတည်းက အဖေကဆုံး အမေကလည်း မနှစ်က ဆုံးသွားတယ်။ ဦးလေးမိသားစု ရှိလို့သာပေါ့ ---- သူများအိမ်မှာနေရတော့လည်း ငယ်ငယ်ရွယ်ရွယ်နဲ့ အလုပ်လုပ်နေရရှာတယ်။ မနက်မိုးမလင်းခင်ကတည်းက အကြော်ဗန်း ခေါင်းပေါ်ရွက်လို့ လမ်းတကာ လှည့်နေရပြီလေ။
မိစုအကြောင်းသာ ပြောရတာပါ။ ကျွန်တော်ဆို အဖေ အမေ ဘယ်သူမှန်းတောင် မသိပါဘူး။ သိတတ်စမှာ ဘုန်းဘုန်းကြီးရဲ့ မွေးစားသားဆိုတာပဲ သိခဲ့ရတယ်လေ။ ငယ်ငယ်ကတည်းက ဘုန်းကြီးကျောင်းမှာ ကိုရင်တွေနဲ့ စာရောသင်ခဲ့ရတယ်။ ဘုန်းဘုန်းကြီးက မူလတန်းကျောင်းလေး ပို့ပေးခဲ့လို့ ရေးတတ် ဖတ်တတ်တာပေါ့ဗျာ။ ကျွန်တော် ၈ နှစ်သားကတည်းက ဒီဘုန်းကြီးကျောင်းထဲက ခရေပင်ကြီးနဲ့ စံပယ်ပန်းပင်လေးတွေက အလုပ်တစ်ခု ပေးခဲ့တာပေါ့။ ကျွန်တော်ကတော့ ပန်းသည်လေး ဖိုးကျော်တဲ့ဗျ။ အကြော်သည်လေးမိစုအတွက် ပန်းဆက်သမားလေးဖိုးကျော်ဆိုလည်း မမှားဘူးပေါ့ဗျာ ---------
-------------------------------
----------------------------------------
(၃)
"ဒေါ်လေး ----- မိစုတို့ ဗီဒီယို သွားကြည့်ချင်တယ်။ ဒီည ဇာတ်ကား ကောင်းတယ် ---- နေတိုးနဲ့ ဖွေးဖွေး ဒေါ်လေးရ"
"ဟုတ်တယ် မေမေ ---- မမစုကို ခေါ်သွားမယ်နော်"
"စောစောပြန်ခဲ့ကြ ---- မနက်လည်း ဈေးထွက်ရအုံးမယ် မိစု"
"ဟုတ် ဒေါ်လေး"
"မောင်လေးရေ ---- သွားစို့"
------------- ------------- --------
"ဟာ မိစု ----- ဗီဒီယို လာကြည့်တာလား --"
"အေး ဖိုးကျော် ---- နင်ရော လာကြည့်တာလား။ ဒီည ဇာတ်ကား ကောင်းတယ်ဟ"
"ငါ ဘုန်းဘုန်းကြီးကို ခွင့်တောင်းလာတာ ---- နင်နဲ့တွေ့တာ အတော်ပဲ"
"မမစု သား ရှေ့မှာ သွားကြည့်တော့မယ်"
"အေးးး အေးး"
ဗီဒီယိုရုံထဲတွင် နေတိုးကားမလာခင် အစမ်းကားများ ပြလျှက်ရှိသည်။
"မိစု -----"
"ဟေ --- ဘာလဲ ဖိုးကျော် ---- နင်ဘာဖြစ်နေတာလဲ"
"ဟို ---- ငါ --- ငါလေ --- နင့်ကို ပြောစရာရှိလို့"
"ပြောစရာရှိတာများဟယ် ပြောပေါ့ ----- ဘာဖြစ်နေမှန်းမသိဘူးး နေတိုးကားလာရင် ငါ့စကားလာမပြောနဲ့နော် ---- ဇာတ်ရှိန်ပျက်မယ်"
"ဟိုလေ ----- ငါပြောရင် နင်စိတ်ဆိုးမှာလား"
"ဘာကိုဆိုးရမှာလဲ ---- ဘာပြောမှာမို့လဲ"
"ဟိုလေ ---- မပြောတော့ပါဘူးဟာ --- ဒီအတိုင်းပဲ ကောင်းပါတယ်"
"အာ ---- ဘာတွေမှန်းမသိဘူးးးး မပြောလည်းနေ"
ဇာတ်လမ်းက နေတိုးနှင့် ဖွေးဖွေး။ ဇာတ်ဆောင်တွေကို ကျွန်မ အရမ်းကြိုက်ပါသည်။ ဖွေးဖွေးလေးက ချစ်ဖို့ကောင်းလိုက်တာ ---- ကျွန်မနဲ့တော့ နံ့သာဆီနဲ့ အီးးး အဲလေ ---- မဟုတ်သေးပါဘူးးး ဆီနဲ့ ရေ ---- အင်းးးးးး ဒါလေးက မဆိုးဘူး။ ကျွန်မက ရေပေါ့နော် ---- ရေလည်း သူ့တန်ဖိုးနဲ့သူတော့ ရှိပါတယ်လေ -----
"မိစု -------- မိစု"
"အမလေးးးးးး ဘာလဲဟ ။ လန့်လိုက်တာ"
"ဟိုလေ နေတိုးကလေ ဖွေဖွေးကို ဘာပြောလိုက်တာလဲဟင်"
"နင်ကြည့်နေတာ မဟုတ်ဘူးလား"
"အင်းးးး ဒါပေမယ့် ငါမကြားလိုက်ဘူး"
"အော် --- နေတိုးက ဖွေးဖွေးကို ရည်းစားစကားပြောလိုက်တာဟ"
"မိစု ----- ငါလည်း နင့်ကို အဲ့ဒီစကားပြောချင်နေတာ"
"အမ် ---- ဘယ်လို ---- ဘယ်လို ဖိုးကျော်"
"ဟုတ်တယ် မိစု။ ငါ နင့်ကို
အရမ်းချစ်တယ်ဟာ ---- ငါ့အခြေအနေကို ငါသိပါတယ်။ ငါမပြောဖို့ အကြိမ်ကြိမ် စဉ်းစားပါတယ်။ ဒါပေမယ့် ငါထိန်းထားလို့ မရတော့ဘူးဟာ ---- နင် ငါ့ကို ပြန်ချစ်ပါလို့ မပြောရက်ပါဘူးးး ငါ့အခြေအနေလည်း နင်သိတာပဲ။ ပြန်ချစ်ရင်တော့ ငါ့လောက်ပျော်မယ့်သူ ဘယ်ရှိတော့မလဲ မိစုရာ --------
ငါ နင့်ကို အရမ်းချစ်တယ် သိလားးးး
(၄)
"ရော့ ---- မိစု ---- စံပယ်ပန်း
ဒီနေ့ ငါ -- နင်အကြော်ယူတဲ့အိမ်အထိ လိုက်ပို့ပေးမယ် ----- မိုးတွင်းလဲဖြစ်တော့ နည်းနည်းမှောင်တယ်ဟ --"
"အင်းပါ ----- နင်ရော ပန်းတွေ သီပြီးပြီလား"
"အေးးးး ဒီမနက် အစောကြီးနိုးနေတာ ----- နင့်ကိုပို့ပြီးမှ ငါပန်းသွားရောင်းမယ်"
ဖိုးကျော် ရည်းစားစကားပြောပြီးနောက်ပိုင်း ကျွန်မလည်း ရှက်လည်းရှက် ဘာလုပ်ရမှန်းလည်းမသိနဲ့ မသိချင်ယောင်ဆောင်နေခဲ့ပါတယ်။ ဖိုးကျော်နဲ့တွေ့ရင်လည်း ဟိုအရင်ကလိုပဲ ပြောစရာရှိပြော --- နောက်စရာရှိ နောက်နဲ့သာ နေခဲ့တယ်။ အမှန်အတိုင်းဆိုရင် ကျွန်မ သူပြောတဲ့ကိစ္စကို မစဉ်းစားချင်ဘူး။ ကိုယ့်ဘဝတောင် ကိုယ်မနည်းရပ်တည်နေရတာ လူနှစ်ယောက်ပေါင်းစည်းမယ့်ကိစ္စက မလွယ်ဘူးလေ။ ကျွန်မ စိတ်ကူးယဉ်ပြီးနေတတ်ခဲ့တာ အသားကျနေပါပြီ။ တကယ့်လက်တွေ့ကို အကောင်အထည်ဖော်ရတော့မယ်ဆို
ုတော့ ------------
"မိစု ----- ဟို ငါပြောထားတဲ့ကိစ္စလေ ---"
"အေးးးး ငါမေးမလို့ ဖိုးကျော်"
"ဘာလဲ ----- မေးလေ ဘာမေးချင်လို့လဲ"
"ဟိုလေ နင် ငါ့ကို ဘာလို့ အဲ့လိုပြောတာလားဟင်"
"ဟင် ------- ချစ်တယ်ဆိုတာလား ?
ငါ နင့်ကို ချစ်လို့ပေါ့ဟာ"
"မဟုတ်ဘူးးးးးး ငါသိချင်တာ ---- ဟိုဟာ ---- ဘာလို့ နင်အဲ့လိုဖြစ်သွားတာလဲ ?
ဘာလို့ ငါ့ကို ချစ်တာလဲ ? "
ကျွန်မသိချင်လွန်းလို့သာ မေးလိုက်ရသည်။ မျက်နှာပူလိုက်တာနော် ----- ဒါပေမယ့်လည်း အကြောင်းရင်းကိုသိမှ ဖြစ်မှာပေါ့။ အဲ့လိုသိမှ ကျွန်မ စဉ်းစားသင့် မစဉ်းစားသင့် ဆုံးဖြတ်ရမှာလေ။
"မိစု ----- နင့်ကို ငါချစ်တာ အကြောင်းပြချက် မရှိဘူးလေ"
"အင် ------ ဘယ်လိုကြီးလဲ ----- တခုခုတော့ ရှိရမှာပေါ့ ---- ငါ့ရဲ့ဘယ်အချက်သဘောကျတာလဲ ----- အဲ့လိုဟာ ----နင်နားလည်လားမသိဘူးးးး"
"မိစု ----- ငါ အဲ့လို မပြောတတ်ဘူးးးးနင့်ကို ငါသနားတယ်။
နင်နဲ့ငါက ဘဝတူတွေ ---- ပြီးတော့ နင်ကပွင့်လင်းရိုးသားတယ်။ ကျန်တာတော့ ငါမသိဘူးဟာ ------ သူ့ဘာသာ စိတ်ထဲကဖြစ်လာတာပဲ"
"အင်းးးးးးးးး ထားပါတော့"
"ကဲ ငါလည်း သွားတော့မယ်။ နင်လည်း အကြော်ဝင်ယူတော့"
ကျွန်မ အကြော်ယူပြီး လမ်းတကာလှည့်ရောင်းနေရင်း အတွေးနယ်ချဲ့နေမိသည်။ ဖိုးကျော် ဘာလို့ပြောင်းလဲသွားတာပါလိမ့် ?
ငါ ဘယ်လိုလုပ်သင့်လဲ ?
ခက်ခဲတဲ့မေးခွန်းတစ်ခုအတွက် အရေးကြီးတဲ့အဖြေမှန်တစ်ခု ငါဖြေပေးရတော့မှာပါလား -----------
---------------------------------------------------------------------------------------
(၅)
"မိစု ------ နင် အရမ်းစဉ်းစားနေရရင်လည်း ငါ့စကားပြန်ရုတ်သိမ်းပါတယ် --- နင်နေတတ်သလို နေပါ ---"
"ဘာဖြစ်နေတာလဲ --- ဒီလောက်လေးတောင် ငါ့မှာ စဉ်းစားခွင့်မရှိဘူးလား"
"မဟုတ်ပါဘူးဟာ ---- ငါက နင်ခေါင်းခြောက်မှာ စိုးလို့ပါ"
"သေချာနားထောင် ---- ငါစဉ်းစားပေးမယ်။ နောက် ၆ လဆိုရင် နင့်ကို ငါအဖြေပေးမယ်။ ငါသွားပြီ"
မိစု ထွက်သွားပြီ။ ဈေးဗန်းလေး ခေါင်းပေါ်ရွက်ပြီး ထွက်သွားသည့်မိစုကို ကျွန်တော် ငေးကြည့်နေမိသည်။ မိစုက ကျွန်တော့ကို စဉ်းစားပေးမယ်တဲ့။ ၆ လဆိုပါလား ---- အေးပေါ့လေ --- စောင့်ရတော့မှာပေါ့။
------------------------------------------
--------------------
ဒီနေ့ မိစု ကျွန်တော့ကို အဖြေပေးမယ့်နေ့။ မိစုတော့မသိဘူး ----- ကျွန်တော်တော့ အရမ်းစိတ်လှုပ်ရှားနေပြီ။ မိစု ရှက်နေမလားးးးး ကျွန်တော့အတွေးနဲ့ မိစုအပြုအမူ တခြားစီပဲဗျာ ---- မိစု ဒီလောက်ထိ လေးနက်တည်ငြိမ်နေလိမ့်မယ်လို့ ကျွန်တော် ထင်မထားခဲ့ဘူးလေ -----
"ဖိုးကျော် ---- နင့်ကို ငါအရေးကြီးတဲ့စကားပြောမယ်။ လွန်ခဲ့တဲ့ ၆ လက နင်ပြောခဲ့တဲ့စကားကို ခုချိန်မှာ နင်ပြောင်းလဲအုံးမလား --- အရင်အတိုင်းပဲလားးးး သေချာပြန်စဉ်းစားပေးပါ။ နင့်စိတ်ကို နင် သေချာအောင် ဆုံးဖြတ်ပါ"
"မိစု ---- ငါ့ဘက်က ဘာမှပြောင်းလဲစရာ မရှိဘူး။ အခု ငါ နင့်အဖြေကို စောင့်နေတာ။ နင်ဆက်ပြောပါ"
"အေးလေ ငါပြောမယ်။ နင်သေချာနားထောင်ပါ။ လွန်ခဲ့တဲ့ ၆ လက နင်ပြောခဲ့တဲ့စကားကို အခု ငါ့မျက်နှာကို သေချာကြည့်ပြီး ပြန်ပြောပေးနိုင်မလားး"
"မိစု ----- ငါ နင့်ကို မြတ်မြတ်နိုးနိုး ချစ်တာပါ။ နင်နဲ့အတူ ငါ့ဘဝကို ဖြတ်သန်းချင်တယ်။ ငါအကောင်းဆုံးလုပ်မပေးနိုင်ရင်တောင် ငါတို့တွေ ကောင်းအောင်တော့ ကြိုးစားကြမယ်။ ငါ့ကို လက်ခံပေးပါနော်"
"ဟုတ်ပါပြီ ဖိုးကျော် ---- ငါ နင့်ကို ငါ့လက်တွဲဖော်အဖြစ် ရွေးလိုက်ပါပြီ။ ချစ်တယ်ဆိုတာ ဘာလဲတော့ သေချာ ငါမသိဘူး။ ဒါပေမယ့် ငါ နင့်ကို ချစ်ပါတယ်"
ဟူးးးးး ဒီစကားတစ်ခွန်းပြောနိုင်ဖို့ ကျွန်မ ဘယ်လောက် အားတင်းထားရလဲ ကျွန်မပဲ သိပါတယ်။ မိစုမဟုတ်တဲ့ မိစုအဖြစ်ပြောင်းပြီး ဘဝနဲ့ဆိုင်တဲ့စကားမို့ ခပ်တည်တည်ပြောနေရခြင်းပါ။ ခုမှပဲ အပူလုံးလားဘာလားးးးးရင်ထဲက အလုံးကျသွားတော့တယ်။
"ဝမ်းသာလိုက်တာ မိစုရာ ---- ငါ့မှာ ရှေ့ဆက်ရမယ့် အနာဂတ်ရှိသွားပြီဟ။ နင့်ကိုငါ လက်ထပ်မှာပါ မိစု။ ငါတို့လက်တွဲပြီး ကြိုးစားကြမယ်"
"ကြိုးစားရမှာပေါ့ဟ ----- ဖိုးကျော် ငါတို့ဖန်တီးမယ့်ဘဝက ခုလက်ရှိ ငါတို့နေရတဲ့ဘဝထက်တော့ သာရမယ်။ အဲ့ဒီအတွက် ငါတို့ သူများတွေထက် ပိုခက်ခဲမယ်။ ပိုကြိုးစားရလိမ့်မယ်။ အဲ့ဒါမှ ငါတို့ဘဝလေး အေးချမ်းသာယာမှာပေါ့ဟ --
အင်းးးးး ဘယ်လိုကြိုးစားကြမလဲဆိုတာတော့ ဆက်တိုင်ပင်ကြတာပေါ့ဟာ ---"
------------------ -----------
(၆)
"မေမေ ---- ဒီမှာကြည့်ပါအုံး --- မေမေ့အတွက် မင်္ဂလာဆောင်မှာဝတ်ဖို့ အကျီင်္တွေဝယ်လာပြီ"
"ဟယ် --- သမီးနဲ့ သား ပြန်လာပြီလား။ ဘာတွေလျှောက်ဝယ်နေကြတာတုန်းကွယ် ---- မေမေက တော်ရုံဆို ရပါတယ်"
"မေမေ ကြိုက်ရဲ့လား --- ဒါ သမီးရွေးခဲ့တာ။ မေမေက အသားဖြူတော့ ပန်းခရမ်းလေးဆို လိုက်မှာလေ --- ကြိုက်လား မေမေ"
"အေးပါ သမီးရယ် ---- မေမေက ဘာဖြစ်ဖြစ်ရပါတယ်။ သမီးလေးတို့အတွက်ရော အဆင်ပြေရဲ့လား"
"ပြေပါတယ် မေမေ။ အကိုက အကျီင်္မဝယ်ဘူး လုပ်နေလို့။ အောက်ခံဝတ်တာပဲ အပေါ်က တိုက်ပုံပါတယ်ဆိုပြီးလေ ---- အဲ့ဒါနဲ့ အတင်းဝယ်ပေးရတယ်။ သမီးကတော့ ဆင်စွယ်ရောင်ဇာလေး မေမေ ---- ဒီမှာကြည့်ပါအုံး လှလားဟင်"
"အေးပါ လှပါတယ်။ သားတို့ သမီးတို့က လူငယ်တွေ ဘာဝတ်ဝတ်လှတယ်"
"မေမေ့ရှေ့မှာပဲ သားတို့စုဗူးလေး ဖောက်တော့မယ် မေမေ ---- ဒီကပိုက်ဆံတွေအားလုံးကို မိဘမဲ့ဂေဟာနဲ့ ဘိုးဘွားရိပ်သာမှာ သွားလှူမယ်"
"သာဓု သာဓု သာဓု ကွယ်"
"သားတို့ ဘဏ်ကပိုက်ဆံတွေကိုတော့ တောင်ဒဂုံမှာ ၁၀ ပေ အိမ်လေးဝယ်ပြီး ငှားထားမလားလို့ မေမေ"
"ကောင်းတာပေါ့ သားရယ် -------"
အော် ကိုကျော်ရေ ----- ရှင့်သားက ဖအေတူသား။ စေစေ့စပ်စပ်လည်းရှိပါ့။ ခု ကြည့်ပါအုံး --- အလုပ်လုပ်ပြီး ကုတ်ကပ်စုထားကြတာ အိမ်တစ်လုံးတောင် ပိုင်နေပါရောလား ------ ဒီခေတ် ကလေးတွေများ ကျွန်မတို့ထက် တော်တယ်ရှင်။ ရှင့်ကို သတိရတယ် ကိုကျော်ရေ ----- တချိန်တုန်းကလို ကျွန်မတို့ လက်တွဲပြီး သားလေးမင်္ဂလာပွဲ တက်ချင်လိုက်ပါဘိ။
--------------------------
--------------------------------
-----------------------------
(၇)
"မိစု ---- နင် ငါ့ကို ပြောစရာရှိတယ်ဆို"
"အေးးးးး ဖိုးကျော် ငါတို့ အလုပ်ပိုလုပ်ဖို့ လိုလာပြီ။ ငါ အခု ပါမုန့်စက်ရုံမှာ အလုပ်လုပ်တော့မယ်။ မနက်ဘက်ကတော့ ထုံးစံအတိုင်း အကြော်ရောင်းမယ်လေ။ မနက် ၈ နာရီကနေ ညနေ ၅ နာရီထိက ပါမုန့်စက်ရုံမှာလုပ်မယ်။ နောက်တစ်ခု ရှိသေးတယ်။ ညဘက် အလုပ်တစ်ခု ရထားတယ်"
"ဘာ ----- မိစု ဘာအလုပ်လဲ ညဘက်ကြီး နင် ---- နင်"
"အာ ----- ဘာတွေ တွေးနေတာလဲ။ ငါ့ကိုများ နင်သေတော့မယ်"
ငါ ညဘက် ဖိနပ်ဆီးကွင့် ထိုးမလို့ဟ။ ဟိုဘက်လမ်းက အမကြီးက အိမ်မှာယူပြီး ကတ္တီပါဖိနပ်လေးတွေ ဆီးကွင့်ထိုးတယ်။ အချိန်ပိုင်း လုပ်လို့ရတယ်လေ။ အပိုဝင်ငွေရတာပေါ့"
"မိစုရယ် ------ နင့်မျက်စိတွေ ထိခိုက်လိမ့်မယ် ---- ညဘက်ကြီး ဒီလောက်အသေးစိတ် ဆီးကွင့်လေးတွေကို ကြည့်ရမှာ ---- မလုပ်ပါနဲ့လားဟာ။ နင် နားနားနေနေ နေပါ"
"မဖြစ်ဘူးလေ ဖိုးကျော်ရဲ့။ နင်တောင်မှ မနက်ဘက် ပန်းရောင်း။ ဘုန်းကြီးကျောင်းဝေယျာဝစ္စပြီးတာနဲ့ ဈေးသွားပြီး နေ့လည်ကတည်းကထွက်လိုက်ရတဲ့ 'ရှောက်သီးသုပ် ချင်းသုပ်'။ တွန်းလှည်းတစ်စီးနဲ့ လိုက်ရောင်းနေရတာ ည ၁၀ နာရီကျော်ထိလေဟယ်----- ငါကလည်း ပိုနေတဲ့အချိန်လေးမှာ လုပ်လို့ရတာ လုပ်ရမှာပေါ့ ------ အဲ့ဒါမှ ငါတို့တွေ ပိုက်ဆံစုနိုင်မှာလေ"
"အေးပါ မိစုရယ် -------"
------------------------------------------------
ကျွန်တော်နှင့် မိစု ချစ်သူတွေဖြစ်ပြီးနောက်ပိုင်း အနာဂတ်ဘဝအတွက် တိုင်ပင်ခဲ့ကြသည်။ ရရာအလုပ်ကို ကြိုးကြိုးစားစားလုပ်ပြီး ပိုက်ဆံစုမယ်ပေါ့။ ဒီလိုနဲ့ ကျွန်တော်လည်း ရှောက်သီးသုပ်ရောင်းတဲ့အကိုရဲ့ အကူအညီနဲ့ လက်တွန်းလှည်းလေးနဲ့ ရှောက်သီးသုပ် တို့ဟူးသုပ် အသုပ်စုံရောင်းတဲ့ အသုပ်သည်လေးဘဝ ရောက်သွားတယ် ဆိုပါတော့။ အစကတော့ ဘယ်လုပ်တတ်မလဲဗျာ။ မိစုက ကူညီတယ်လေ။ အသုပ်မျိုးစုံ သုပ်ပြတယ်။ သူပြောတဲ့စကားတစ်ခွန်းကတော့ 'ဖိုးကျော် ဘာပဲလုပ်လုပ် စေတနာထားလုပ်ပါ' တဲ့။ ဈေးရောင်းတယ်ဆိုတာ ရောင်းတက်ရင် ကုသိုလ်ရတယ် တဲ့။ ငါတို့ရဲ့ စေတနာ မေတ္တာကြောင့် တနေ့မှာ ငါတို့ဖြစ်ချင်တဲ့ဘဝ
လေးကို ဖန်တီးနိုင်မှာပါတဲ့ ဗျာ ------
(၈)
ကျွန်မ ဖိုးကျော်ကို ဈေးမရောင်းစေချင်ပါဘူးရှင်။ အခုလက်ရှိအခြေအနေမှာတော့ ဒါက အရင်းအနှီးနည်းပြီး ပိုက်ဆံဝင်တဲ့အလုပ်မို့ပါ။ ကျွန်မ သူ့ကို အိမ်ထောင်ဦးစီးကောင်းတစ်ယောက် ဖြစ်စေချင်တယ်။ အိမ်တစ်အိမ်ရဲ့ခေါင်းဆောင်အနေနဲ့ သူ့ကို အမြင့်တနေရာမှာ ထားချင်တယ်။ ကျွန်မ သူ့ကို အသက်မွေးဝမ်းကြောင်းပညာတစ်ခု လေ့လာခိုင်းမှာပါ။ သူ့ဘဝကို ဒီလိုဈေးသည်အဖြစ်နဲ့ ကြည့်မနေရက်ပါဘူးးးး
"ဖိုးကျော် ငါတို့ ပိုက်ဆံတွေ တော်တော်စုမိပြီနော်"
"အေးဟ ငါတို့ လက်ထပ်တော့မလား'
"နေပါအုံးဟယ် ---- နင့်ကို ငါပြောစရာရှိတယ်"
"အင်းးးးး ပြောလေ"
"နင် ကွန်ပျူတာ အခြေခံသင်ဟာ။ ပြီးရင် ငါတို့ မိတ္တူနဲ့ ကွန်ပျူတာ စာစီစာရိုက်ဆိုင်လေး ဖွင့်ကြရအောင်"
"ဟေ့ ငါ့လို အင်္ဂလိပ်စာ မတတ်တဲ့ကောင်က ကွန်ပျူတာ ဘယ်လိုသင်မလဲ"
"အဲ့အတွက် မပူနဲ့ ----- ငါအလုပ်လုပ်နေတဲ့ အလုပ်ရှင်သမီးမမက အရမ်းသဘောကောင်းတာဟ။ ဒီအကြံလည်း သူပေးတာ။ ငါတို့အကြောင်း သူ့ကိုပြောပြတော့ သူအရမ်း အားကျတယ်တဲ့။ တက်ညီလက်ညီကြိုးစားနေကြတာ မြင်ရလို့တဲ့--"
"အဲ့တော့ ----"
"သူ့ကို ငါပြောပြလိုက်တယ်။ နင့်ကို ဈေးမရောင်းစေချင်ဘူးလို့။ သူခဏစဉ်းစားနေပြီး နင့်ကို ကွန်ပျူတာ တက်ခိုင်းတာပဲ။ သူက ကွန်ပျူတာသင်တန်း ဖွင့်ထားတာလေ။ သူသင်ပေးမယ်တဲ့။ အင်္ဂလိပ်စာအများကြီး ဖတ်တတ်စရာမလိုဘူးတဲ့ဟ။ နင်လည်း အလယ်တန်းရောက်တာပဲကို။ လက်တွေ့လုပ်တတ်ဖုိ့က အရေးကြီးတာလို့ပြောတယ်။ ကွန်ပျူတာနဲ့ မိတ္တူဆိုင်လေး ဖွင့်ဖို့လည်း သူပဲအကြံပေးတာ"
မိစုရဲ့အားပေးမှုနဲ့ ကျွန်တော့ရဲ့ကြိုးစားမှုကြောင့် အားလပ်ချိန်မှာ ကျွန်တော် ကွန်ပျူတာသင်တန်း တက်နိုင်ခဲ့ပါသည်။
(၅ နှစ်ခန့်ကြာသော် -----)
"ကဲ --- မောင်ကျော်နဲ့ မစုစုတို့ အကြင်လင်မယားဖြစ်ကြောင်း လက်မှတ်ရေးထိုးလိုက်ကြပါအုံး"
ကျွန်မတို့နှစ်ယောက် ရပ်ကွက်လူကြီးသူမများရှေ့မှောက်တွင် လက်မှတ်ရေးထိုးပြီး မင်္ဂလာဦးဆွမ်းကျွေးခဲ့ကြပါသည်။ အခုချိန်မှာတော့ ကျွန်မတို့ ဆိုင်ခန်းလေးတစ်ခန်း အဆင်သင့်ငှားထားပြီး ကိုကျော်က မိတ္တူ ကွန်ပျူတာစာစီစာရိုက်နဲ့ စာရေးကိရိယာပစ္စည်းဆိုင်လေးဖွင့်။ ကျွန်မက ဆိုင်ရှေ့မြေလွတ်လေးမှာ အမိုးလေးထိုးပြီး အသုပ်စုံဆိုင်လေး ဖွင့်ထားကြပါတယ်။ ကျွန်မတို့ရဲ့ စေတနာအကျိုးပေးပဲလားးးးကံအကြောင်းတရားက မျက်နှာသာပေးလို့ပဲလားးးကျွန်မတို့ဆိုင်လေးက အကျိုးပေးလိုက်တာရှင်။ ခုတော့ ကျွန်မတို့ အိမ်လေးတစ်လုံးတောင် ဝယ်နိုင်ပြီလေ။ ဆိုင်လေးကိုလည်း အပိုင်ဝယ်လိုက်တယ်။ အကျိုးပေးလို့ပါ။ သားဦးလေးဖွားပြီးနောက်ပိုင်း ကျွန်မအလုပ်နားပြီး ကလေးကို သေချာဂရုစိုက်တယ်။ ကျွန်မတို့ရဲ့ အနာဂတ် သားရတနာလေးလေ။ အားတဲ့အချိန် ကိုကျော့်ဆိုင်မှာ ကူညီတယ်။ ဆိုင်လေးကိုလည်း ထပ်ချဲ့ထားနိုင်ပြီပေါ့------
--------------
---------------
(၉)
ကိုကျော်ရေ ------ ဒီနေ့ ရှင့်သားလေး လက်ထပ်ပွဲနေ့။ လိမ္မာတဲ့သားလေး။ ဦးကျော်နဲ့ ဒေါ်စုတို့ရဲ့ တစ်ဦးတည်းသော သားရတနာလေး။ သူ့အနာဂတ်မိသားစုလေးကို ဖန်တီးတော့မယ်တဲ့ရှင်။ ရှင့်ကို သတိရတယ်။ တချိန်က ပန်းသည်လေး ဖိုးကျော်နဲ့ အကြော်သည်မလေး မိစုတို့ရဲ့ ပျိုးထောင်ခဲ့တဲ့ သားလေး အင်ဂျင်နီယာ မောင်ကောင်းမြတ်နဲ့ သူနာပြုလေး မနန်းယုတို့ရဲ့ အနာဂတ်အိမ်လေးက ကျွန်မတို့ဖန်တီးတည်ဆောက်ခဲ့တဲ့အိမ်လေးထက် ပိုပြီးပြည့်စုံသာယာမှာပေါ့ရှင်။ ကျွန်မ ကျေနပ်တယ်။ ရှင်လည်း ကျေနပ်နေမှာပါ ကိုကျော်ရေ --------- ။
ကျွန်မတို့ အနာဂတ်ဖန်တီးရှင်လေးတွေကို ဖန်တီးခွင့် ပေးနိုင်ခဲ့ပြီလေ --------။
~~~~~ ÷÷÷÷÷÷÷÷÷ ~~~~~
စိတ်ရှည်ရှည်ဖြင့် အားပေးဖတ်ရှုပေးသူများအား ကျေးဇူးအထူးတင်ရှိပါသည်။
အေးမို့
Category: ဘဝအတွက် စာပေများ, သုတ/ရသ/ဗဟုသုတ
